Жолооны ард гар утас хэрэглэх, гарцаар чихэвч зүүж гарах нь зам тээврийн ослын шалтгаан болдог

Өнгөрөгч 2021 онд зам тээврийн ослын улмаас 383 иргэн амь насаа алдсан байна. Зам тээврийн осол үйлдэгдэх гол шалтгаан нөхцөл нь жолоочийн анхаарал, болгоомжгүй байдлаас болдог ч 70-80 хувьд нь жолооч гар утас болон гарны тусламжтай хийгдэх үйл хөдөлгөөний улмаас үйлдэгдсэн осол эзэлдэг байна. 

Түүнчлэн явган зорчигчийн ослын дийлэнх хувийг гарцгүй газраар гарч яваад үйлдэгдсэн осол эзэлж байгаа нь иргэдийн хайхрамж, болгоомжгүй байдлыг илтгэж байгаа юм. 

Залуусын хувьд чихэвч зүүж зам хөндлөн гарч байгаа нь зам тээврийн осолд өртөх эрсдлийг нэмэгдүүлдэг тухай холбогдох албаныхан хэлж байна.