Монголын ипотекийн корпораци цаг үеийн асуудлаар мэдээлэл хийж байна

Монгол Улсын Шадар сайд С.Амарсайхан МИК буюу Монголын ипотекийн корпораци нь арилжааны банкуудын олгож байгаа зээлийн дундаас хүү авдаг гэх утга бүхий мэдэгдлийг хийсэн. Одоо олгож байгаа 6-8 хувийн зээл бага хүүтэйгээр иргэдэд очих боломжтой байсан гэж мэдэгдсэн юм. Үүнтэй холбоотой Монголын ипотекийн корпораци мэдээлэл хийж байна. 

Өнөөдрийн байдлаар иргэдэд олгож байгаа орон сууцны зургаан хувийн хүүтэй зээлийн 40 хувийн эх үүсвэрийг арилжааны банкууд гаргадаг байна. Одоогоор 98 мянган өрх 5 их наяд гаруй төгрөгийн зээлэнд хамрагдаад байна.

Тэгвэл зээл олгох процесст Монголын ипотекийн корпораци оролцдоггүй гэж мэдэгдлээ. Зээлийн хүү болоод шалгуур үзүүлэлтийг зээл олгож байгаа эрх бүхий байгууллагууд болох арилжааны банк, төв банкнаас тогтоодог гэж мэдэгдэж байна.