Хүүхдийн мөнгийг он дуустал 100 мянган төгрөгөөр олгох асуудлыг УИХ энэ долоо хоногт шийднэ

Өнгөрсөн баасан гарагт засгийн газар ээлжит бусаар хуралдаж  төсвийн тодотгол хийх асуудлыг  хэлэлцэн, хэд хэдэн үндсэн чиглэлийг Ерөнхий сайд гаргасан. Үүнд хүүхдийн мөнгийг он дуустал бүрэн олгох буюу Хуримтлалтай хүүхэд бодлогын хэрэгжилтийг түр хойшлуулах санал багтжээ.

Энэ оны улсын төсөвт хүүхдийн мөнгийг зургадугаар сар дуустал хүүхэд бүрд 100 мянган төгрөгөөр олгох, долдугаар сарын 1-нээс хойш 50 мянган төгрөгийг бэлнээр, үлдсэн 50 мянган төгрөгийг хуримтлалын дансанд хийж, тухайн хүүхэд 18 нас хүрээд хуримтлалаа авах зохицуулалт  хийгээд байсан юм. Ерөнхий сайдын өгсөн чиглэлийг энэ долоо хоногт УИХ эцэслэн шийдэх учиртай юм.