ХҮН АМИНЫ ХЭРЭГТЭНД 7 ЖИЛИЙН ЯЛ ОНООВ

Дорноговь аймгийн Даланжаргалан сум, 2 дугаар багийн нутаг дэвсгэрт өнгөрсөн оны 5 дугаар сарын 14-ний өдөр Э нь хохирогч Б-тэй хувийн таарамжгүй харьцааны улмаас маргалдан зодож түүнийг санаатайгаар амь насыг нь бүрэлгэсэн гэмт хэрэгт холбогджээ. Тус хэрэгт цагдаагийн байгууллагаас Эрүүгийн хуулийн тусгай ангийн 91 дүгээр зүйлд зааснаар эрүүгийн хэрэг үүсгэн, мөрдөн байцаалтын ажиллагаа явуулсан байна. Тухайн хэргийг Дорноговь аймгийн прокурорын газраас хянаж, яллах дүгнэлт үйлдэн тус аймаг дахь Сум дундын эрүүгийн хэргийн анхан шатны шүүхэд шилжүүлсэнийг шүүхээс Эрүүгийн хуулийн 91 дүгээр зүйлийн 91.1 дэх заасан гэмт хэрэг үйлдсэн гэм буруутайд тооцож, уг хуульд зааснаар 7 жил хорих ялаар шийтгэж шийдвэрлэжээ.