Г.Нэргүй: Эрүүл саруул өсгөсөн хүүгээ хурд хэтрүүлсэн хулгайн тээвэр, согтуу жолоочийн гарт алдчихлаа

Бид "Тавхан хором хүлээе, анхаарья, талархая" төслийг санаачлан хэрэгжүүлж эхэлсэн. Юун түрүүнд орон нутгийн замд хүүхдийг хэрхэн тээвэрлэж байгаа болон хурд хэтрүүлсэн, согтуу жолооч нарын бусдад учруулсан хохирол, түүний үр дүнд энхрий бяцхан үрс хорвоог орхин одож буй харамсалтай үйл явдлыг үзэгч, уншигч та бүхэнд хүргэж буй даа хүлцэл өчиж байна. 

Зөвхөн зам тээврийн ослоос болж бид жилд дунджаар 50 орчим энхрий үрсээ хорвоогоос үдэж байна. 

Өнгөрөгч нэгдүгээр сарын 03-ны өдөр Төв аймгийн нутаг нэгэн ноцтой осол гарч Г.Нэргүй эмэгтэй есөн настай хүүгээ алдаж, өөрөө гурван сарын хугацаанд ГССҮТ-д эмчлүүлж, гарын алга, гурван хуруугаа тайруулж, тэргэнцэртэй болсон харамсалтай сурвалжлагыг хүргэж байна. Хот хоорондын зорчигч тээврийн том оворын автобусны тасалбар дууссан байсан тул, хулгайн тээвэр буюу Приус 20 маркийн автомашинд суусан байна. УБ хотоос Баянхонгор чиглэлд явж байсан хохирогчийн суусан автомашин 170 км цагийн хурдтай явж байсан бөгөөд согтуугаар автомашин барьж явсан жолоочтой мөргөлдсөн байна.