Цемент, бетон зуурмагийн үнэ 95, арматур төмрийн үнэ 68 хувийн өсөлттэй байна

Өнөөдөр нийслэлийн удирдах ажилнуудыг шуурхай зөвлөгөөн болж барилгын салбарт тулгамдаж байгаа асуудал нөхцөл байдлыг мэдээллээ. 2021 онд нийслэлд 17,478 айлын орон сууц ашиглалтад орсон байна. Харин энэ оны нэгдүгээр улирлын байдлаар 85 хувиас дээш гүйцэтгэлтэй 21,279 айлын орон сууц байна. Дахин төлөвлөлтийн хүрээнд өнгөрсөн онд 1001 айлын орон сууц ашиглалтад орсон бол энэ онд 6033 айлын орон сууц ашиглалтад хүлээлгэн өгөхөөр төлөвлөж байжээ. Гэвч өнгөрсөн оны мөн үетэй харьцуулахад цемент, бетон зуурмагийн үнэ 95 хувийн өсөлттэй байгаа бол арматур төмрийн үнэ 68  хувийн өсөлттэй байгааг албаны хүн мэдээллээ