Нийслэлийн төсөвт тодотгол хийж, хэмнэлтийн горимд шилжинэ

Нийслэлийн Удирдах ажилтнуудын шуурхай зөвлөгөөн өнөөдөр болж хэд хэдэн шийдвэр гаргалаа. Зөвлөгөөнөөр нийгэм, эдийн засгийн нөхцөл байдалтай уялдуулаад төсөвт тодотгол хийх бэлтгэл ажлыг сайтар хангаж, нийт байгууллагууд төсвийн сахилга батыг сайжруулж, хэмнэлтийн горимд шилжихийг даалгажээ. Мөн хөрөнгө оруулалтын ажлын хүрээнд хийж байгаа барилга, байгууламж, авто замын засвар шинэчлэлийн ажлуудын хөдөлмөрийн аюулгүй байдлыг сайтар хангуулж, хэрэгжилтэд тогтмол хяналт тавин ажиллахыг үүрэг болгосон байна.