Д.Амарбаясгалан: Зээл авсан нь тогтоогдсон гишүүдтэй нам эвлэрэхгүй, Улстөрийн хариуцлага тооцоод явна

Хөгжлийн банктай нэр холбогдсон гишүүд энэ сарын 10 ны дотор бүрэн эрхээсээ түдгэлзэх хүсэлтээ өгч хуулийн байгууллагаар шалгуулах шаардлагыг намын зүгээс тавьж байгаа. Өнөөдрийн байдлаар УИХ-ын гишүүн Г. Амартүвшин бүрэн эрхээсээ түдгэлзэн шалгуулахаа мэдэгдээд байгаа юм. Харин бусад гишүүдийн тухайд хуулийн байгууллагаар шалгагдсан тохиолдолд нам улстөрийн хариуцлага тооцох учиртайг МАН ын генсек Д.Амарбаясгалан онцоллоо.

Тэрээр: “Бидний зүгээс нэр холбогдсон гишүүдийг улстөрийн намаасаа түдгэлзээд, шалгуулж олон нийтэд зөв мэдээлэл өгөх ёсой.  Би гэм буруугүй хэмээн яриад суух биш шалгуулаад орж ирэхийг намаас шахаж байгаа. Хэрэв албан тушаалаа ашиглан зээл авахад нөлөөлж, оролцсон бол намын зүгээс ямар нэг байдлаар эвлэрэхгүй. Улстөрийн хариуцлагаа тооцоод явна” гэлээ.