Д.Ганбат: МАН 6 жил эрх барьсан тиймээс ахиж АН-ыг буруутгах ёсгүй

УИХ-дахь ардчилсан намын бүлэг хуралдаж хэд хэдэн асуудлуудыг хэлэлцлээ. Хуралдаанаар хэлэлцсэн асуудлаар бүлгийн дарга Д.Ганбат мэдээлэл хийсэн юм. 

Тэрбээр, "Үнэ тогтворжуулж хомсдлыг байхгүй болгоно гэж байна. Гэтэл энэ Олон улсын хямралт нөхцөл байдлаас үүдэлтэй гол нэр төрлийн бараа, бүтээгдэхүүний үнийн өсөлт, хомсдолоос сэргийлэх, сөрөг нөлөөллийг бууруулах тухай хуульд хэдэн төгрөгийн ямар эх үүсвэрээс зарцуулах нь тодорхой бус байна. Мөн энэ хуулийн гүйцэтгэлийг хэн хянаж, хариуцлага хүлээх нь тодорхой бус байна.

МАН 6 жил орчим үнэмлэхүй олонхоор эрх барьсан. Ахиад АН болон АН-ын бүлгийг буруутгах зүйл байхгүй. Хариуцлагыг Засгийн газар хэнтэй ч хуваалцахгүйгээр үүрэх ёстой" гэж хэллээ.