Автобусны буудал дээрээс иргэдийн гар утсыг хулгайлдаг бүлэг этгээдүүдийг илрүүлжээ

Иргэдийн гар утсыг хулгайлдаг бүлэг этгээдүүдийг цагдаагийн алба хаагчид шуурхай илрүүлж шаардлагатай арга хэмжээг авлаа. 

Энэ сарын 7-ны өдөр цагдаагийн байгууллагад 5 иргэнээс “Автобусны буудал дээр гар утсаа алдлаа” гэсэн дуудлага мэдээлэл ирсэн байна. Дуудлагын дагуу шуурхай эрэн сурвалжлахад 30-39 насны З,Г,О нар нь бүлэглэн үйлдсэнийг Нийслэлийн цагдаагийн удирдах газрын Мөрдөн шалгах газрын Хулгайлах гэмт хэрэгтэй тэмцэх хэлтсийн алба хаагчид олж тогтоон мөрдөн шалгах ажиллагааг явуулж байна. Тиймээс иргэд олон нийтийн газраар зорчихдоо анхаарал болгоомжтой байж хулгайлах төрлийн гэмт хэргээс урьдчилан сэргийлэхийг цагдаагийн байгууллага анхаарууллаа.