СОГТУУРУУЛАХ УНДААГААР ҮЙЛЧЛЭХ ТУСГАЙ ЗӨВШӨӨРӨЛ ЦУЦЛАГДААГҮЙ

Нийслэлийн засаг дарга энэ оны 1 сарын 1 ээс зөвшөөрөлгүйгээр үйл ажиллагаа явуулах,  худалдаа үйлчилгээний 74 нэр төрлийн жагсаалтыг танилцуулсан. Тус жагсаалт дунд согтууруулах ундаагаар үйлчилдэг аж ахуй нэгжүүд багтсан. Энэ төрлийн үйлчилгээ эрхлэхийн тулд хуулийн хүрээнд заавал тусгай зөвшөөрөл авдаг үйлчлэл хүчин төгөлдөр мөрдөгдөж байгаа юм. Үнэн хэрэгтээ диско клүб болон караоке эрхлэх гэсэн тусгайлсан зөвшөөрөл байдаггүй.  Энэ төрлийн үйлчилгээний байгууллагуудын үндсэн зөвшөөрөл нь согтууруулах ундаагаар үйлчлэх тусгай зөвшөөрөл юм байна. Тухайн аж ахуй нэгжүүд үйл ажиллагаа эхлүүлэхийн тулд багадаа хоёр сарын хугацаа зарцуулан дараах бичиг баримтыг бүрдүүлдэг байна. Ийнхүү төрийн өндөр босгыг даван байж авсан тусгай зөвшөөрлийн хуулийн хугацаа хоёр жил. энэ мэт зөвшөөрлөө бүрдүүлээд үйл ажиллагаагаа эхлүүлсэн аж ахуй нэгжүүдэд ковид 19 цар тахал төсөөлөөгүй сорилт байсан. Сүүлийн хоёр жилийн хугацаанд төрөөс 8 удаа хөл хорио тогтоож үндсэндээ эдгээр аж ахуй нэгжүүд бүтэн зогсолт хийсэн гэхэд хилсдэхгүй. Энэ хооронд тусгай зөвшөөрлийн хугацаа нь дуусжээ. Одоо УИХ-аар хэлэлцүүлэхээр боловсруулагдаж буй зөвшөөрлийн тухай хуулиар зөвшөөрөл шинээр авах болон сунгуулах хугацааг 3-5 жил байхаар тусгаад байгаа юм. Эхний ээлжид нийслэл өөрийн эрх мэдлийн хүрээнд журмаар зохицуулагдах зарим зөвшөөрлийг цуцлан, үйлчилгээ эрхлэхтэй холбоотой зарим бүрдүүлэх материалууд цахим хэлбэрт шилжиж эхэлжээ.