Хуш модны самар экспортлох зөвшөөрөл шударга өрсөлдөөний зарчмаар олгогдоно

Зөвшөөрлийн тухай хуулийн шинэчилсэн найруулгад 22 зөвшөөрлийг төрийн нийтийн өмчийн ангилалд багтаажээ.  Өөрөөр хэлбэл өмнө нь хуш модны самар, эмийн ургамал, үнэт чулуу зэрэг байгалийн баялгийг экспортлох зөвшөөрөл яамны хэмжээнд журмаар зохицуулагдан гарын үсгээр баталгаажиж иржээ. Энэ нь шударга өрсөлдөөний зарчим алдагдах, авилга ашиг сонирхол үүсэх үндсийг бий болгосон нэг жишээ болжээ.  Мөн энэ төрлийн зөвшөөрлөөс улс зөвхөн тэмдэгтийн хураамж авч ирсэн нь алдаа гэж үзжээ.

Хуш модны самар экспортлох зөвшөөрөл журмаар зохицуулагдан гарын үсэг зурснаар баталгаажиж ирсэн. Гэтэл энэ нь жилийн 200 сая долларын бизнес. Татвар нь төсөвт орж байх ёстой байдаг. Самар түүх эрхийг нь шударга өрсөлдөөний зарчмаар олгодог байх ёстой гэж зөвшөөрлийн тухай хуулийн ажлын хэсэг хэллээ.