​ Шүүхийн шийдвэрээр суллагдсан Бэрэн группийн захирал Б.Мөнхтөр 1 сая ам.долларын хуурамч бичиг баримт үйлджээ

Монголын хууль гууль болж, хууль сахиулагч нь хуйвалдааны гол тоглогч хийж байгаа нэгэн хэргийг Зариг.мн сайт уншигчиддаа хүргэж байна. Энгийн нэг иргэнээс эхлээд эгэл жирийн сэтгүүлчид ч зүүдэндээ үзээгүй их хэмжээний мөнгөөр эрх мэдэлтнүүд, улс төрчид тоглоод зогсохгүй зарим нь бүр хуурамчаар үйлдэж хэрэг дээрээ хэрэг нэмжээ. Тодруулбал Хөгжлийн банкны чанаргүй зээлдэгчдийг тэргүүлж байгаа Бэрэн группийн захирал Б.Мөнхтөрийг өнгөрсөн сарын сүүлээр шүүхээс суллах шийдвэр гаргасан. Шүүхээс суллах шийдвэр гаргахдаа хэрэгт цугларсан баримт, шүүхийн хэлэлцүүлэгт гаргасан тайлбарууд түүнийг цагдан хорих хугацааг сунгахад хангалтгүй гэх утга бүхий үндэслэлээр мэдэгдэл гаргаж байсан юм.

Тэгвэл Сүхбаатар дүүргийн Эрүүгийн хэргийн анхан шатны шүүхийн шүүгч Д гийн шийдвэрээр суллагдсан Бэрэн группийн захирал Б.Мөнхтөр хорих ангиас гарсан даруйдаа компани дээрээ 1 сая ам.доллар буюу 3 тэрбум төгрөгийн бичиг баримт хуурамчаар үйлдсэн гэдгийг баттай эх сурвалж мэдээллээ. Хуурамч бичиг баримтаар хөгжлийн банкинд төлөх ёстой 44 тэрбум төгрөгийн өрөөс хасахыг завдсан гэж байгаа юм.

“Бэрэн” групп Хөгжлийн банкнаас 2017 оны аравдугаар сарын 30-нд зээл авсан. Ингэхдээ 11.6 сая ам.долларын зээл авч, зээлээ огт эргэн төлөөгүй.

  Зээлийн үлдэгдэл:  11 482 595 сая ам.доллар

  Үндсэн зээлийн өр:  11 482 595 сая ам.доллар

  Үндсэн хүүний өр:  3 436 616 сая ам.доллар 

  Хуримтлагдсан хүү:  87 771 сая ам.доллар

  Торгуулийн хүү:  455 447 сая ам.доллар 

  Нийт үлдэгдэл:  15 462 430 сая ам.доллар    

  Нийт үлдэгдэл:   44 060 193 430 төгрөг байна.

Прокуророос Б.Мөнхтөрийг үргэлжлүүлэн яллагдагчаар цагдан хорих санал гаргаад байхад шүүх яагаад түүнийг суллав.  Суллагдсан даруйдаа тэрээр их хэмжээний мөнгөн дүн бүхий хуурамч бичиг баримт үйлдэх болсон нь Хөгжлийн банкнаас авсан зээлээ зориулалтын бусаар ашигласан үйлдлээ нуун дарагдуулах оролдлого уу. Шүүгчид ямар эрх ашгаар ажиллаж байгаа болоод дахин гэмт хэрэг үйлдэх нөхцөл байдал үүсэв, гаргасан шийдвэртээ албаны хүмүүс тайлбар хийх үү зэрэг асуудлуудыг  манай сурвалжлах баг тодруулан хүргэх болно.