Зариг сайтын хамт олон 103 төвд шаардлагатай эмнэлгийн хэрэгслийг гардуулав

Зариг.мн сайт таван жилийн ойн баярын өдрөө тохиолдуулан Нийслэлийн түргэн тусламжийн 103 төвд хандивлах амьсгал дэмжих хэрэгслээ “Ашид буян” ХХК-иас худалдан авсан юм.

Өнөөдрийн байдлаар нийслэлийн түргэн тусламжийн 41 автомашины 20-д нь амьсгал дэмжих аппарат байдаг аж. Харин манай хамт олны зүгээс тус төвд 10 аппарат хандивлахаар болж "Ашид буян" ХХК-г зорин үйлчлүүлэхэд тус хамт олон бидний үйл хэргийг дэмжиж 15 хувийн хямдралыг үзүүлсэн юм. Уг аппаратын нэг бүрийн үнэ нь 387.000 төгрөг бөгөөд ийнхүү олон хүний сэтгэлийн дэмжлэгтэйгээр уг эмнэлэгийн хэрэгсэл нэн шаардлагатай түргэн тусламжийн төвийнхөнд очлоо.