​“Хөтөл ХХК” нь 2016 оноос хойш тасралтгүй алдагдалтай ажиллаж, 355 тэрбум төгрөгийн өр үүсчээ

2015 онд хувьчлагдсан “Хөтөл ХХК” нь 2016 оноос хойш тасралтгүй алдагдалтай ажиллаж үйл ажиллагаа явуулахаа зогсоосон тул одоо ямар ч орлого байхгүй. Тус компани их хэмжээний буюу 355 тэрбум төгрөгийн өртэй байгааг Төрийн өмчийн бодлого зохицуулалтын газраас мэдээллээ. Төрийн өмчийг хувьчилж авсан Бейзмент ХХК нь Монгол Улсын Хөгжлийн банкнаас 2010 онд олгосон 61,3 сая ам.долларын зээл, зээлийн хүүг хугацаандаа төлөөгүй, зээлийн гэрээний хугацаа дууссан боловч өр бүрэн барагдуулаагүйг хөгжлийн банкнаас мэдээлсэн. 

 “Бейзмент” ХХК нь ”Хөтөл” ХХК болон нэрээ өөрчилж байсан байна. Нэрээ өөрчилснөөс хойш “Хөтөл” ХХК нь 2016 оноос эхлэн  тасралтгүй алдагдалтай ажиллаж үйл ажиллагаа явуулахаа зогсоосон.  Улмаар орлогогүй болж их хэмжээний буюу 355 тэрбум төгрөгийн өртэй, хариуцсан ажилтан байхгүй, оршин суух хаяггүй, эзэнгүй болсон байна.