Б. Цэнгэл: Өмч хувьчлал буруу явсныг залруулж, төр алдагдсан өмчөө буцаан авсан

Засгийн газар өчигдөр Хөтөлийн “Цемент шохой” ХК-ийн хувьчлалыг хүчингүй болгох шийдвэр гаргаж тус үйлдвэрийг төрийн өмчид авч байгаагаа мэдээлсэн. Өнөөдөр төрийн өмчийн бодлого зохицуулалтын газар мэдээлэл хийх үеэр тус газрын дарга Б.Цэнгэл “Өмч хувьчлал анхнаасаа буруу явагдаж, төрийн өмч алдагдсан” гэдгийг онцоллоо. 2015 онд хийгдсэн өмч хувьчлал буруу явагдсаныг залруулж төр алдагдсан өмчөө буцаан авч байна гэж мэдэгдсэн юм. 119 сая хувьцааг 1,4 тэрбум төгрөгөөр үнэлсэн байсан нь маш буруу байснаас их хэмжээний алдагдал бий болжээ. Хөтөлийн үйлдвэр хөгжлийн банкнаас нийт 1,2 их наяд төгрөгийн зээл авснаас 377 тэрбум төгрөгийн зээлийг төлсөн, үлдэгдэл 895 тэрбум төгрөг төлөгдөөгүйг онцоллоо. Үүнд хугацаа хэтэрсэн зээл 185 тэрбум, хугацаа хэтэрсэн үндсэн зээл 101 тэрбум, зээлийн хүүгийн төлбөр 83 тэрбум төгрөг байгаа юм байна.