ГААЛИЙН БАЙЦААГЧ НАРТ ЯЛ ОНООЛОО

Авлига, хээл хахуулийн гэмт хэрэгт холбогдсон Замын-Үүд дэх гаалийн байцаагч нарт холбогдох шүүх хурал болж өнгөрлөө. Уг шүүх хурал дөрвөн өдөр үргэлжилсэн бөгөөд өчигдөр эцэслэн шийдвэрлэв. Тодруулбал, гаалийн байцаагч Ө-д Эрүүгийн хэргийн тусгай ангийн 268.1-р зүйл ангиар яллах дүгнэлт үйлдэж ирүүлсэнийг хэрэгсэхгүй болгож, цагаатгасан байна. Харин гаалийн байцаагч Ц-д Эрүүгийн хэргийн тусгай ангийн 268.2, 269.1-р зүйл ангиар шийтгэн, 3 сая төгрөгийн эд хөрөнгийг хурааж, 6 жил 6 сарын хорих ялаар, Гаалийн байцаагч М-ийн 3 сая төгрөгийн эд хөрөнгө хурааж 6 жил 6 сарын хорих ялаар, Гаалийн байцаагч Н-ийн 3 сая төгрөгийн эд хөрөнгө хурааж 6 жилийн хорих ялаар, Гаалийн байцаагч Э-ийн 1 сая төгрөгийг эд хөрөнгө хурааж 5 жил 1 сарын хорих ялаар, Гаалийн байцаагч О-ийн нэмж нэгтгэн 3 сая төгрөгийг эд хөрөнгө хурааж, гаалийн улсын байцаагчаар ажиллах эрхийг 2 жил хасаж 6 жил 6 сарын хорих ялаар, Гаалийн байцаагч Б-ийн 1 сая төгрөгийн эд хөрөнгө хурааж 5 жил 1 сарын хорих ялаар, Гаалийн байцаагч Н-ийн гаалийн улсын байцаагчаар ажиллах эрхийг 1 жил хасаж 2 жил 6 сарын хорих ял оногдуулж уг ялыг тэнсэж 1 жилийн хугацаагаар хянан харгалзсан байна.

Мөн 6 хүнд Эрүүгийн хэргийн ерөнхий ангийн 551-д заасныг журамлан 3 ,5-3,7 жилийн хорих ял оногдуулж, 19 хүнд 1 жил 6 сарын хорих ял оногдуулж уг ялыг тэнсэж 1 жилийн хугацаагаар хянан харгалзжээ. Мөн 1 хүнд оногдуулсан 1 жил 6 сарын хорих ялыг хойшлуулж шийдвэрлэсэн байна.

Н.Батаа