ЖИЛИЙН ДОТОР 298 ХҮҮХЭД БЭЛГИЙН ХҮЧИРХИЙЛЭЛД ӨРТЖЭЭ

Цочирдмоор, сэтгэл сэрдхийлгэм, санаанд багатамгүй мэдээллүүдийг бид ажрахгүй сонсож, үзэж хараад халаглах төдий л өнгөрдөг болж. Бэлгийн замын халдварт өвчөөр өвчлөгсдийг насны ангилалаар нь авч үзэхэд арван жилийн сурагчид хамгийн их бүртгэгдсэн тухай мэдээлэл тоохгүй өнгөрөх асуудал биш.

Мөн бага насны хүүхдүүд бэлгийн хүчирхийлэлд өртөж, цэцэг цэврүү шиг насандаа сэтгэл зүйн гэмтэлд орж байгаа нь ч аюултайд тооцогдох нөхцөл байдал. Цагдаагийн байгууллагын гаргасан судалгаанаас харахад 2015-2016 онд улсын хэмжээнд 298 хүүхэд бэлгийн хүчирхийлэлд өртсөн гэх тоо байх юм. Бэлгийн хүчирхийлэлд өртсөн хүүхдүүдийн хамгийн бага нь ой 9 сартай гэх. Аймшигтай мэдээлэл.

Монгол улсын хүн амын удмын санд аюул учруулахуйц түгшүүртэй мэдээллүүд ар араасаа хөврөх боллоо. Гэвч үүнд бодлого боловсруулагчид, салбар агентлаг хэрхэн ач холбогдол өгч ажиллаж байна вэ?

Ямартай ч салбар хариуцсан бодлогын байгууллагууд нь нэн яаралтай дорвитой арга хэмжээнүүдийг авч ажиллах шаардлага тулгараад байгааг дээрх тоо сануулсаар байна.

Ц.Бат-Ирээдүй