ҮР ДҮН: 22.9 тэрбум төгрөгийн зээлтэй "Изинис эйрвэйз" ХХК 250 саяын эргэн төлөлт хийжээ

Хөгжлийн банкны анхаарал хандуулах зээлийн жагсаалтад орсон "Изинис эйрвэйз" ХХК Иргэний нисэх, агаарын тээвэр өргөжүүлэх төсөл хүрээнд 2019 оны аравдугаар сард 22.9 тэрбум төгрөгийн зээл авч байсан. Ингэхдээ уг зээлийг тухайн үеийн ТУЗ-ийн шийдвэрээр олгосон.

 Өнгөрсөн хугацаанд 373 сая төгрөгийн зээлийн хүү төлөгдсөн бол энэ оны нэгдүгээр сарын 20-ны өдрөөс хойш 250 сая төгрөгийн зээлийн эргэн төлөлт хийгдсэн нь Хөгжлийн банкны мэдээлэлд дурдагджээ. 

Цар тахлын улмаас олон улсын нислэгүүд зогссон тул борлуулалтын орлогогүй болж зээлийг хуваарийг дагуу төлөөгүй ба зээлдэгч нь БННУ-д нойтон түрээсийн гэрээгээр онгоцоо түрээслэж үйл ажиллагаа санхүүжүүлж байгаа аж. 

Цаашид барьцаа солих хөрөнгийн үнэлгээг хийхээр төлөвлөсөн байна.