ҮР ДҮН: “Дархан Минж” ХХК 112 cая төгрөгийн зээл төлжээ

Хөгжлийн банкны зээлдэгчдийн хэн, хэн нь зээлээ төлж байгаа вэ гэдгийг бид цувралаар хүргэж байгаа билээ. 

Эргэн төлөгдсөн зээлийг ангилалаар нь авч үзвэл: 

• Хэвийн зээлдэгчийн ангилал дахь зээлийн эргэн төлөлт 15.5 тэрбум,
• Анхаарал хандуулах ангиллын зээлийн эргэн төлөлт 47.23 тэрбум,
• Чанаргүй зээлийн ангиллын зээлийн эргэн төлөлт 16.14 тэрбум төгрөг тус тус төлөгдсөн байна.

Хэвийн зээлдэгч нарын жагсаалтад багтсан "Дархан Минж" ХХК 2018 онд Хөгжлийн банкнаас гүйцэтгэх захирлын шийдвэрээр  94.8 сая иений зээл авч байжээ. Өдгөө зээл, хүүгийн төлөлтөөс нийт 14.9 сая иений төлөлт хийгдсэн бол хамгийн сүүлд 112 cая төгрөгийн зээлийг төлжээ. 

“Дархан Минж” ХХК нь анх 1992 онд монгол хонины нэхийг бүрэн боловсруулан эцсийн бүтээгдэхүүн болох нэхий дээл, эдлэл  үйлдвэрлэн борлуулах зорилготой байгуулагдсан. Дархан хотод байрлах боловсруулах үйлдвэр нь жилдээ 250 000 ширхэг нэхий боловсруулж, 20000-35000 ширхэг нэхий дээл,бусад нэхий эдлэл үйлдвэрлэх хүчин чадалтай аж.