ҮР ДҮН: МИАТ ТӨХК 15 тэрбум төгрөгийн зээлийнхээ 171 саяыг нь төлжээ

Хөгжлийн банкнаас зээл авсан төрийн өмчит компаниудыг зээлээ яаралтай төлж барагдуулахыг Засгийн газраас үүрэг болгосон. 

Хөгжлийн банкны нийт активын  55.4 хувь  буюу 1.6 их наяд нь найдваргүй зээлийн ангилалд орсон.  Тэгвэл өнгөрсөн  нэгдүгээр сарын 20-ноос  хойш буюу  олон нийтэд зарласнаас хойш 78  тэрбум төгрөгийн эргэн төлөлт хийгджээ.Тухайлбал, төрийн өмчит компаниудаас МИАТ ТӨХК 2017 оны зургадугаар сарын 30-нд 15 тэрбум төгрөгийн зээлийнхээ 171 сая төгрөгийг төлжээ. 

Хөгжлийн банкнаас зээл авсан  төрийн өмчит компаниуд болох  Монгол газрын тос боловсруулах үйлдвэр ТӨХК, Дорнод бүсийн эрчим хүчний систем ТӨХК, МИАТ ТӨХК, ДЦС4 ТӨХК,Төрийн орон сууцны корпорац, “Эрдэнэс Монгол” ХХК, Эрчим хүчний яам зэрэг байгууллагууд орсон.  

“Монгол газрын тос боловсруулах үйлдвэр” ТӨХК 203 тэрбум төгрөгийн, Дорнод бүсийн эрчим хүчний систем ТӨХК 19 тэрбумын, МИАТ 15 тэрбумын, 4-р цахилгаан станц 224 тэрбумын, Төрийн орон сууцны корпорац 300 тэрбумын, Эрдэнэс Монгол ХК 151 тэрбумын зээлийн өрийн үлдэгдэлтэй байгаа ажээ. Эдгээр нь Хөгжлийн банкны нийт өрийн гуравны нэгтэй тэнцэх хэмжээний өртэй тэнцэж буй.