"Модун" ХХК 5.8 тэрбум төгрөгийн өрийнхөө 52 саяыг нь төлжээ

Авлигатай тэмцэх газрын Мөрдөн шалгах хэлтсээс Хөгжлийн банкнаас ирүүлсэн мэдээллийн хүрээнд дараах аж ахуйн нэгжүүдийн зээл нь хуулийн дагуу олгогдсон эсэх, зориулалтын дагуу зарцуулсан эсэхийг мөрдөн шалгаж буй. Хөгжлийн банк 1.8 их наяд төгрөгийн зээл чанаргүй ангилалд орсноос өнөөдрийн байдлаар 79 тэрбум төгрөгийн эргэн төлөлт хийгдээд байна. Нийтдээ 30 ААН зээлээ тодорхой хэмжээгээр төлж эхэлсэн гэсэн үг. 

Тэгвэл газар дээрх дотоод шалгалтын дараа шүүхэд нэхэмжлэл гаргах эсэхийг шийдвэрлэх  зээлийн жагсаалтад орсон "Модун" ХХК 52 сая төгрөгийг эргэн төлжээ. Тус компани 2018 оны аравдугаар сарын 23-нд 5.8 тэрбум төгрөгийн зээл авч байв.  Үйл ажиллагааны үндсэн чиглэл нь барилга угсралт, нийтийн хоолны үйлчилгээ, гадаад, дотоод барилгын материалын худалдаа явуулдаг.