ҮР ДҮН: "Кредос" ясны үйлдвэр 20 сая төгрөгийн эргэн төлөлт хийжээ

“Кредос” компани малын яс боловсруулан органик уураг, тос гарган авах үйлдвэрийг барих зорилгоор Хөгжлийн банкнаас 2017 онд 794 сая иен, 2020 онд нэмж 2 тэрбум төгрөг тус тус авсан  байдаг.   Өнөөдрийн байдлаар нийт зээлийн үлдэгдлийн хэмжээ 25 тэрбум төгрөг байгаагаас  өнөөдөр /2022.03.10/ 20 сая төгрөгийн эргэн төлөлт хийжээ.

Тус компани авсан зээлийнхээ ердөө 6 тэрбумыг л үйлдвэр барихад зарцуулж, үлдсэн 15 орчим тэрбум төгрөгийг үнэт эдлэлийн худалдааны бизнес болон үнэтэй машин худалдан авахад буюу зээлийг зориулалтын бусаар ашигласан гэдгийг Хөгжлийн банкны удирдлага мэдээлээд байгаа билээ. 

Түүнчлэн тус компани зээл авахдаа ирээдүйд олох орлогоосоо 9,9 тэрбум төгрөг барьцаалсан нь анхаарал татаж байгаа юм.

Ташрамд, Манай "Зариг" редакц Хөгжлийн банкнаас зээл авсан ААН-үүдийг зээлээ төлөхийг шаардан, "Өөрөөр нь төлүүлье "хөдөлгөөнийг өрнүүлж буй. Нийтдээ Хөгжлийн банкны 1.8 их наяд төгрөг буюу  талаас илүү хувь нь чанаргүй зээлийн ангилалд орсон.