Үр дүн: "Монполимет" ХХК Хөгжлийн банкнаас авсан зээлийнхээ 10 тэрбумыг төлжээ

МУ-ын Хөгжлийн банкнаас 2014.10.28-ны өдөр “Монполимет” ХХК-д “цементийн үйлдвэр барих төсөл”-ийг хэрэгжүүлэх 65 сая ам долларын зээлийг олгосон байдаг. Тэгвэл  2022 оны 02 дугаар сарын байдлаар зээлийн үлдэгдэл 112.8 тэрбум байгаа бөгөөд Монголбанкны хяналт шалгалтаар хэвийн бус, анхаарал хандуулах зээлийн ангилалд ороод байгаа юм.

“Монполимет” ХХК-д холбогдуулан АТГ-аас 2018 онд Хэрэг бүртгэлтийн хэрэг нээн шалгаж хэрэгсэхгүй болгосон байсныг сэргээн шалгах саналыг прокурорт хүргүүлжээ. Тус компанид ам долларын зээл олгосоноос 45 тэрбум төгрөгийн ханшийн алдагдалд орсон гэх мэдээлэл нь үнэн бодитой талаар Хөгжлийн банк тайлбарладаг.

Тэгвэл Монполимет ХХК нь Хөгжлийн банкнаас авсан зээлийнхээ 10 тэрбум төгрөгийг төлжээ. 

Ингэснээр Хөгжлийн банкнаас зээл авсан компаниуд нийт 78 тэрбум төгрөгийн буцаан төлөлтийг хийгээд байна.