Кадыров 30 мянган долларын шагнал амлажээ

Украйнаас салан тусгаарласан Донбассын хоёр мужийг хэт үндсэрхэг үзэлтнүүдээс хамгаалах Оросын байлдааны ажиллагаа эхлээд хоёр хонох зуур Украйны арми үндсэндээ бут ниргүүлээд байна.  “Телеграмм” дахь https://t.me/DonbasLNR сувгийн мэдээлж байгаагаар ОХУ-ын зэвсэгт хүчний бүрэлдэхүүнд багтан Украйнд дайтаж байгаа Чечень цэргүүдийн дунд Чеченийн Ерөнхийлөгч Кадыров өвөрмөц урамшуулалт уралдаан зарласан байна.

Кадыров нь чечень цэргүүдийн устгасан Украйны 1 танк бүрийн төлөө 30 мянган доллар, нэг БМП хуягтын төлөө 20 мянган доллар, Бандераг дэмжигч хэт үндсэрхэг үзэлт украйн цэргийг устгасны төлөө 5000 долларын мөнгөн урамшуулал амласан гэж  https://t.me/DonbasLNR суваг мэдээлжээ.

ОХУ-ын алс бөглүү нутаг болох Чечень улсын сарын дундаж цалин 20 мянган рубль, дайн эхэлсний дараа 70 рубль байсан ам.доллар 90 рубль болсон тул Украйны эсрэг явуулж байгаа байлдааны ажиллагаанд оролцох гэсэн чечень эрчүүд уртаас урт дараалал үүсгээд байгаа юм байна.