Путин, Шойгу, Лавров нар гадаадын банканд дансгүй

АНУ, Канад, Европын холбоо, Их Британи гэсэн улсууд ОХУ-ын Ерөнхийлөгч, Батлан хамгаалахын сайд, Гадаад хэргийн сайдын нарын эсрэг хориг арга хэмжээ авсан тухайгаа мэдээлцгээв. Энэ гурван албан тушаалтны эдгээр улсын банкнуудад байгаа бүх дансыг царцааж, ямарваа нэг гүйлгээ хийхийг хоригложээ.

Үүний хариуд ОХУ-ын Гадаад яамнаас тайлбар хийсэн байна. Гадаад яамны албан ёсны төлөөлөгч Мария Захарова хэлэхдээ Оросын Ерөнхийлөгч, Гадаад хэргийн сайд гэсэн өндөр албан тушаалтнуудад хилийн чанад ямар ч данс байхгүй, байгаа ч үгүй тул юуг ч царцаах боломжгүй гэжээ.