Путин: Бид үйл явдлын ямар ч өрнөлд бэлэн байна

ОХУ-ын Ерөнхийлөгч Владимир Путин хэдхэн өдрийн өмнө тусгаар улс гэж хүлээн зөвшөөрсөн Донбасстбайлдааны тусгай ажиллагаа явуулах гэж байгаа тухайгаа албан ёсоор зарлалаа. 

 Путин энэ тухай Оросын ард түмэнд хандан тайлбарлахдаа “Нөхцөл байдал биднээс эрс шийдвэртэй бөгөөд нэн даруй арга хэмжээ авахыг шаардаж байна. Донбассын бүгд найрамдах улсууд тусламж ирж ОХУ-д хандлаа. Үүнтэй холбоотойгоор НҮБ-ын Дүрмийн 7 удгаар зүйлсийн 51 дүгээр хэсгийн дагуу Холбооны зөвлөлийн зөвшөөрсөн ёсоор Донецк ба Луганскийн бүгд найрамдах улсуудтай байгуулсан найрамдал ба харилцан тусламж үзүүлэх тухай гэрээг Холбооны хурлаас соёрхон баталсны дагуу би бээр байлдааны тусгай ажиллагаа явуулах шийдвэр гаргалаа. Энэхүү ажиллагаа нь Киевийн дэглэмийн зүгээс сүүлийн найман жилийн турш хоморголон устгах дайралт, доромжлолд нэрвэгдэж байгаа хүмүүсийг аврах зорилготой юм. Үүний тулд бид Украйныг нацизм болон зэвсэглэлээр хөөцөлдөхөөс чөлөөлөхийг чармайх болно. Түүнчлэн энгийн иргэд, түүний дотор ОХУ-ын иргэдийн эсрэг олон тооны цуст гэмт хэрэг хийсэн хүмүүсийг шүүхэд өгөх болно” гэжээ.

 Түүнчлэн Путин Донбассын ойролцоо төвлөрөөд байгаа Украйны зэвсэгт хүчний албан хаагчдад хандан зэвсгээ хаяад гэртээ харьцгаахыг уриалсан байна. Ингэсэн хүмүүсийг байлдааны бүсийг саадгүй орхин гэр бүлдээ харих болно гэжээ. 

 Эцэст нь тэрээр “Бид үйл явдлын ямар ч өрнөлд бэлэн байна. Үүнтэй холбоотой бүх шийдвэрүүдийг гаргасан. Миний хэлсэн үгийг хүмүүс сонссон байх гэж найдаж байна” гэжээ.

 Ийнхүү Украйны Ерөнхийлөгч Зеленский, түүний тойрон хүрээлэл нь АНУ болон бусад улсын шууд бус дэмжлэгт дулдуйдан Минскийн гэрээний нөхцөлийг биелүүлэхээс эрс татгалзаж, Донбасс дах салан тусгаарлагчдыг өрнөдөөс нийлүүлсэн зэвсгийн хүчээр нэгтгэх гэж оролдоод газар нутгийнхаа чамлахааргүй хэсгийг алдаад зогсохгүй, залгуулж улсаа алдах аюултай шууд тулгарлаа. Уг нь Зеленскийгээс эхний ээлжид салан тусгаарласан улсуудын удирдлагатай шууд уулзалт хийх гэсэн тун энгийн зүйл хийхийг уриалж байсан юм.