“НВЦ” Ц.Баатарбилэг Хөгжлийн банкнаас авсан зээлээрээ мөрийтэй тоглосон хэргээр шалгагдаж байна

Төв аймгийн Баянчандмань суманд шувууны аж ахуйн чиглэлээр төсөл хэрэгжүүлэхээр “НВЦ” компани Хөгжлийн банкнаас 2017 онд 21 сая ам.долларын зээл авсан байдаг. Тэгвэл Ц.Баатарбилэг төсөл хэрэгжүүлэхээр авсан зээлээ зориулалтын бусаар ашиглаж алтны уурхай худалдан авсан, мөрийтэй тоглосон зэрэг хэргээр шалгагдаж байна. Үүний дээр Хөгжлийн банкнаас зээл авахдаа тус банкны удирдлагад их хэмжээний хахууль өгснийг эх сурвалжууд хэлж байна. Уг хэргийг эрүүгийн цагдаагийн газар дээр шалгаж байгаа бөгөөд тэрээр авлигын хэргээ хүлээн зөвшөөрч, хэргээ хялбаршуулсан журмаар шийдүүлсэн байна. 

Ц.Баатарбилэгт давуу байдал олгон их хэмжээний зээл олгосон гэх үндэслэлээр Хөгжлийн банкны захирлаар ажиллаж байсан Б.Батбаярыг буруутгаж, эрүүгийн хуулийн 22.1 дэх хэсэгт зааснаар яллагдагчаар тооцон шалгаж байсан юм.