Ажлын хэсэг: "Шинэ яармаг" төсөл зээл авах болзол хангаагүй ч зээл олгосон байна

УИХ-ын гишүүн Б.Баттөмөр:  Хөгжлийн банк банканд тавьдаг зургаан шалгуураас гурвыг нь хангаж, гурвыг нь хангахгүй байна. Тус банкны ТУЗ-өөс гаргасан бүх шийдвэрийг нэг бүрчлэн тулгаж, үзэж байна. "Шинэ яармаг" төсөл зээл авах болзол хангаагүй ч зээл олгожээ.Нийт зээлийн үлдэгдэл 3.2 их наяд төгрөг байна. Ажлын хэсэг дараах дүгнэлтийг гаргалаа. ХБ-ны асуудлыг гүнзгийрүүлэн судлах шаардлагатай. Банкны хууль эрх зүй болон компанийн засаглалыг сайжруулах шаардлагатай. Чанаргүй болсон зээлийг газар дээр нь очиж үзэх шаардлагатай. Барьцаа хөрөнгийн үнэлгээг тогтоохын тулд мөрдөн шалгах баг үүсгэнэ. Чанаргүй, хугацаа хэтэрсэн зээлүүдийн компаниудын эцсийн өмчлөгчийг тогтоон, шаардлагатай бол дансыг нь царцаана. Ажлын хэсгийн бүрэлдэхүүнийг өргөтгөнө. УИХ ирэх сарын 15-нд нээлтээ хийнэ. Одоогийн ажлын хэсгийг хянан шалгах түр хороо болгон өргөтгөх саналаа бид УИХ-ын чуулган нээлтээ хиймэгц өргөн барина.