Ажлын хэсэг: Хөгжлийн банкнаас олгогдсон зээлийн 687 тэрбум чанаргүй, 500 орчим тэрбум төгрөг анхаарал хандуулах зээл байна

УИХ-ын гишүүн Б.Баттөмөр: Хөгжлийн банктай холбоотой 800 хуудас материалтай уншиж танилцсан. Хөгжлийн банкны эрсдлийн санд 700 орчим тэрбум төгрөг байсныг Монголбанк 1.3 их наяд төгрөг болгох зөвлөмж өгсөн. Тус банк нийт 74 төсөлд зээл олгосноос 22 нь зориулалтын бусаар зарцуулсан байна. Нийт олгосон зээлийн 687 тэрбум чанаргүй 500 орчим тэрбум төгрөг анхаарал хандуулах. Үүнд таван зээл бий.  Эрдэнэс Монгол, Эрчим хүчний яам, Ган-Хүдэр, Монгол Эм Импекс зэрэг компанийн анхаарал хандуулах зээл бий.   Харин 131 тэрбум төгрөгийн зээл хэвийн байна.