Шинээр 449 тохиолдол батлагдаж, нас баралт бүртгэгдсэнгүй

Сүүлийн 24 цагийн хугацаанд улсын хэмжээнд 449 хүн коронавирусээр халдварласан нь PCR шинжилгээгээр батлагджээ.

Шинээр илэрсэн халдвар бүгд дотоодынх бөгөөд 199 нь орон нутагт, 250 нь Улаанбаатар хотод бүртгэгдсэн байна.

Харин өнгөрсөн хоногт нас баралт бүртгэгдээгүй байна. Одоогоор коронавируст халдварын улмаас улсын хэмжээнд 3,756 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 12,067 хүн Өрхийн эмчийн хяналт дор гэрээр эмчлүүлж байгаа аж.