Бэрэн ХХК-ийн захирал Б.Мөнхтөрийг эрэн сурвалжилж эхэлжээ

“Бэрэн групп” ХХК нь анх Сүхбаатар дүүргийн 7-р хорооллын 720 болон 120 айлын Ё блок орон сууцны хороолол барих төслийг хэрэгжүүлэхээр 2017 онд Хөгжлийн банкнаас 33.2 тэрбум төгрөгийн зээл авчээ. Тэд  зээлээ төлөхгүй гурван жил гаруй болж байгааа бөгөөд өнөөдрийн байдлаар нийт хуримтлагдсан өрийн хэмжээ 43.7 тэрбумд хүрсэн талаар бид мэдээлсэн. Тэгвэл уг асуудалтай холбогдуулан Бэрэн ХХК-ийн захирал Б.Мөнхтөрийг хууль хяналтын байгууллагаас эрэн сурвалжилж эхэлжээ. Тэрбээр хилээр гараагүй ч хөдөө явсан байж болзошгүй аж. 

Эргэн сануулахад өчигдөр /2022.02.18/ Хөгжлийн банкны найдваргүй зээлтэй холбоотойгоор зээл авсан болон олгосон Хөгжлийн банкны үе үеийн удирдлагууд, томоохон компаниудын удирдлагуудыг цагдан хорих эсэхийг шийдвэрлэх шүүх хуралдаан СБД-ийн эрүүгийн хэргийн анхан шатны шүүхэд болсон билээ.