ХӨГЖЛИЙН БАНКНЫ ЭРГЭН ТОЙРОНД:​ Арилжааны банкуудад хадгалуулсан нийт хөрөнгийн 66 хувийг ХХБ, Улаанбаатар хотын банкинд байршуулжээ

Хөгжлийн банкнаас арилжааны банкуудад байршуулсан хадгаламжийн дүн /2014.09.30-ны байдлаар/ 1,067.0 их наяд төгрөг. Үүнээс ХХБ-нд 44 хувийг, Улаанбаатар хотын банкинд 22 хувийг нь байршуулж байжээ. Өөрөөр хэлбэл дийлэнхи хувийг нь “сахал“ Д.Эрдэнэбилэгийн банкинд байршуулсан гэсэн үг.
Мөн долларын хадгаламжийн 44 хувийг УБ хотын банк, 47 хувийг Голомт банк, 9 хувийг Капитал банкинд, Еврогийн хадгаламжийн 43 хувийг УБ хотын банк, 48 хувийг Голомт банк, 9 хувийг Капитал банкинд, Иенийн хадгаламжийг 100 хувь Капитал банкинд тус тус байршуулж байжээ. Монгол Улсын банкны системийн хувьд аваад үзвэл УБ хотын банк 6.2 хувь, Капитал банк дөнгөж 2.8 хувийг эзэлдэг байна.

\/ХБ-нд хийсэн Аудитын дүгнэлт-2014 он/

Арилжааны банкуудад байршуулсан хадгаламжийн дийлэнхи нь ХХБ, УБХБ, Голомт банкинд байршсан нь шударга бус өрсөлдөөнийг дэмжсэн үйлдэл болохыг аудитын дүгнэлтэд дурджээ. Мөн банкны активийн удирдлагын хувьд чөлөөт эх үүсвэрийг хаана, ямар шалгуураар байршуулах асуудлыг зохицуулаагүй нь цөөн тооны банкуудад давуу байдал олгож, улмаар авлига авч болзошгүй нөхцөлийг бүрдүүлсэн гэж үзсэн байна.

Дашрамд дурдахад, тухайн үед Хөгжлийн банкны гүйцэтгэх захирлаар Н.Мөнхбат, ТУЗ-ийн даргаар Б.Шинэбаатар нар ажиллаж байсан. Хөгжлийн банкны томоохон бөгөөд найдваргүй зээлдэгч нарын нэг “сахал” Д.Эрдэнэбилэгийн “Кью Эс Си” компанид зээл олгоход Хөгжлийн банкны ТУЗ-ийн дарга асан, Эрдэнэтийн 49%-ийн төлөөлөл Б.Шинэбаатар нөлөөлсөн байж болзошгүй гэх хардлага байдаг юм.

Эх сурвалж: Үндэсний аудитын газар 2014 он