Хөгжлийн банкны зээлдэгч "Эрэл"-ийн Б.Эрдэнэбатыг цагдан хорих санал гаргажээ

Л.Бямбажав

2022/02/18

"Эрэл"-ийн Б.Эрдэнэбат Хөгжлийн банкнаас ямарч барьцаа хөрөнгөгүйгээр авсан зээлээ төлөөгүй зээлдэгчдийн нэг. 2019 онд хийсэн "Хөгжлийн банк"-ны шалгалтын ажиллагааны хүрээнд “Эрэл” компанийн захирал Б.Эрдэнэбат, түүний эхнэр Даваахүүгийн Сэргэлэн нар Хөгжлийн банкнаас ямар ч барьцаагүй 23 сая ам.долларын зээл авсныг нь илрүүлсэн билээ. Энэхүү 23 сая ам.долларын зээлийг авахдаа эхлээд 14 сая ам.долларыг, дараа нь есөн сая ам.долларын зээлийг авсан байдаг.

№	Зээлийн дугаар	Зээлийн дүн	Хугацаа
1	З-БҮК-ХО 2013-143 дугаартай Зээлийн гэрээ	14.0 сая ам.доллар	2013 оны 08 сарын 16-ны өдөр
2	З-БҮК-ХО 2014-49 дугаартай Аккредитивийн зээлийн эрх нээх гэрээ	13.1 сая евро	2014 оны 04 дүгээр сарын 28-ны өдөр
3	З-БҮК-ХО 2015-82 дугаартай Зээлийн гэрээ	9.0 сая ам.доллар	2015 оны 10 дугаар сарын 14-ний өдөр

Уг зээлийг авахдаа дэлхийн стандартад нийцэх блокын үйлдвэр барина гээд ямар ч барьцаа хөрөнгөгүйгээр авсан хэдий ч өнөөдөр Эрэлийн Эрдэнэбатын Хөгжлийн банкинд төлөх өрийн хэмжээ 163.1 тэрбум. Хөгжлийн банкнаас авсан зээлээ зориулалтын бус ашигласан ААН-үүдийг хуулийн байгууллагад шилжүүлж энэ хүрээнд "Эрэл"-ийн Б.Эрдэнэбатыг цагдан хорих эсэх асуудлыг өнөөдөр /2022.02.18/ Баянзүрх, Чингэлтэй, Сүхбаатар дүүргийн шүүхээр хэлэлцэж байна.

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ