Н.Мөнхбат: Тайлбар хэлмээргүй байна, гарч ирээд яръя

Хөгжлийн банкны үе үеийн захирлууд болох зээл олгосон Хөгжлийн банкны захирал асан Н.Мөнхбат, Б.Чойжилжалбуу, Б.Батбаяр, Д.Дэлгэрсайхан, Ч.Мөнхбаяр, “Нью Яармаг Хаусинг прожект” компанийн захирал Ц.Ууганбаяр, "Бэрэн групп ХХК"-ийн захирал Б.Мөнхтөр, "Капитал банк"-ны гүйцэтгэх захирал А.Ариунболд, ТУЗ-ийн дарга асан Б.Шинэбаатар, Хөгжлийн банкны захирлын үүрэг гүйцэтгэгч асан Ч.Энхбат мөн зээл авсан Алтай констрашкн компанийн захирал Х.Бат-Эрдэнэ, НВЦ ХХК-ийн захирал Ц.Баатарбилэг нарыг цагдан хорих хүсэлтээ Баянзүрх, Чингэлтэй, Сүхбаатар дүүргийн шүүхэд гаргасан. Шүүх хэрэгт холбогдогч бүрээр асуудлыг хэлэлцэж, эхнээсээ шүүхийн шийдвэрүүд гарч эхэллээ.

Эргэн санахад

Авлига албан тушаалын гэмт хэрэгт холбогдож, банкны хувьд 2016 онд  үр ашиггүй төслийн санхүүжилттэй, 3.1 их наяд төгрөгийн алдагдалтай тухай мэдээлж байв. 

Түүнчлэн Н.Мөнхбатыг Хөгжлийн банк дахь чөлөөт мөнгөн хөрөнгийг арилжааны банканд хугацаатай байршуулах үйл ажиллагааг бие даан шийдвэрлэж, үргэлжилсэн үйлдлээр буцаан татах шаардлагагүй арилжааны банкуудад байршуулсан 102 ширхэг мөнгөн хадгаламжийг хугацаанаас өмнө буцаан татсанаас хүүгийн орлогыг алдагдуулж, Хөгжлийн банканд 3.4 тэрбум төгрөгийн хохирол учруулсан.

Мөн албан тушаалын байдлаа урвуулан ашиглаж Худалдаа хөгжлийн банкны төв барилгаас ажлын байр худалдан авах ажлыг зохион байгуулж, хууль бус тогтоол гаргуулснаар үл хөдлөх эд хөрөнгө худалдах, худалдан авах тухай гэрээ байгуулж, зах зээлийн ханшаас хэт өндөр буюу 27.5 тэрбум төгрөгөөр худалдан авч, Хөгжлийн банканд 4.9 тэрбум төгрөгийн хохирол учруулсан.

Түүнчлэн албан үүрэг, бүрэн эрх, албан тушаалын байдлаа урвуулан ашиглаж бусдад давуу байдал олгож нөхцөл хангаагүй компанид нийт 17.8 сая юань шилжүүлж их хэмжээний хохирол учруулсан. Мөн “Мон Лаа” ХХК-д давуу байдал олгож Монгол Улсын Хөгжлийн банканд 5.6 тэрбум төгрөгийн буюу хүнд хор уршиг учруулсан гэх хэргийг мөрдөн шалгаж Сүхбаатар дүүргийн Эрүүгийн хэргийн анхан шатны шүүхээс 2021 оны 11 дүгээр сарын 09-ний өдөр Н.Мөнхбатыг гэм буруутайд тооцож,  ХӨӨН ХЭЛЭЛЦЭХ ХУГАЦАА ДУУССАН ҮНДЭСЛЭЛЭЭР  хэргийг хэрэгсэхгүй болгон шийдвэрлэсэн байдаг.