Шүүх: Хөгжлийн банкны гүйцэтгэх захирал асан Б.Батбаярыг сарын хугацаанд цагдан хорилоо

Хөгжлийн банкны захирал асан Б.Батбаярын шүүх хурал Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд өнөөдөр болов. Шүүхээс  Б.Батбаярыг сарын хугацаанд цагдан хорих шийдвэрийг гаргалаа. Түүнийг гэрч нарт нөлөөлж, гэрчээр зориуд худал мэдээлэл өгүүлж болзошгүй гэсэн үндэслэлээр хорьсон байна.

Б.Батбаярыг 2016 онд  нээлттэй сонгон шалгаруулалтын дүнд үндэслэн Засгийн газрын хуралдааны шийдвэрээр Хөгжлийн банкны гүйцэтгэх захирлаар томилсон юм. Тэрээр энэ албан тушаалыг хоёр жил хашаад, 2019 онд ажлаа хүлээлгэн өгчээ.        

Түүнийг 2018 оноос эхлэн зээл олгохдоо албан тушаалаа урвуулан ашигласан байж болзошгүй  хэмээн шалгаж байгаа юм.

Алтай констракшны Х.Бат-Эрдэнэд давуу байдал бий болгон их хэмжээний зээл олгосон Хөгжлийн банкны гүйцэтгэх захирал асан Б.Батбаярыг АТГ-аас шалгаж байгаа юм. Б.Батбаяр нь гүйцэтгэх захирлаар ажиллаж байх хугацаандаа тус банкнаас 487 тэрбум төгрөгийн чанаргүй зээлийг гаргажээ.