Монполимет 112 тэрбум төгрөг төлөх ёстойгоос 45 тэрбум нь ханшийн зөрүүтэй холбоотой, уг хэргийг сэргээн шалгаж эхэллээ

МУ-ын Хөгжлийн банкнаас 2014.10.28-ны өдөр “Монполимет” ХХК-д “цементийн үйлдвэр барих төсөл”-ийг хэрэгжүүлэх 65 сая ам долларын зээлийг олгосон байдаг. Тэгвэл өнөөдрийн байдлаар буюу 2022 оны 02 дугаар сарын байдлаар зээлийн үлдэгдэл 112.8 тэрбум байгаа бөгөөд Монголбанкны хяналт шалгалтаар хэвийн бус, анхаарал хандуулах зээлийн ангилалд орсон байна.

“Монполимет” ХХК-д холбогдуулан АТГ-аас 2018 онд Хэрэг бүртгэлтийн хэрэг нээн шалгаж хэрэгсэхгүй болгосон байсныг сэргээн шалгах саналыг прокурорт хүргүүлжээ. 

Тус компанид ам долларын зээл олгосоноос 45 тэрбум төгрөгийн ханшийн алдагдалд орсон гэх мэдээлэл нь үнэн бодитой талаар Хөгжлийн банк тайлбарлаж байгаа юм.  

Хэрвээ "Монполимет" ХХК ханшийн зөрүү болох 45 тэрбум төгрөгийг төлөхгүй бол Засгийн газар тэдний өмнөөс төлөх үүрэг хүлээгээд байна.

Уг зээлийг олгох үед Хөгжлийн банкны захирлаар Б.Батбаяр ТУЗ-ын даргаар Б.Шинэбаатар нар ажиллаж байсан юм.