Шинээр 834 хүн коронавирусийн халдвараар өвчилж, нэг иргэн энджээ

Сүүлийн хоногт улсын хэмжээнд 834 иргэн коронавирусийн халдвараар өвчилсөн нь PCR шинжилгээгээр батлагдаж, нийт бүртгэгдсэн тохиолдлын тоо 459,368 болж нэмэгдлээ.

Шинээр илэрсэн тохиолдлууд бүгд дотоодын халдвар бөгөөд 479 нь Улаанбаатар хотод, 355 нь орон нутагт бүртгэгдсэн байна.

Харамсалтай нь нэг иргэн нас барж, өнөөдрийн байдлаар COVID-19 халдварын улмаас нийтдээ 2,077 хүн эндээд байна. Талийгаачдын гэр бүл, төрөл төрөгсдөд гүн эмгэнэл илэрхийлье.