Өнөөдрөөс Украйны агаарын орон зай хаагдана

Ирланд, Их Британийн даатгалын компаниуд Украйны агаарын орон зайд даатгал үйлчлүүлэхгүй болсон тухай анхааруулгыг онгоцны эздэд хүргүүлсэн гэдгийг Украйны “Страна.ua” сайт мэдээлжээ.

 Даатгалын зах зээлд үйл ажиллагаа явуулдаг эх сурвалж нь тус сайтад мэдээлэхдээ дэлхий даяар иргэний агаарын тээврийн онгоцнуудыг даатгадаг компаниудын эрсдэлийг дахин даатгадаг Ирланд, Их Британид байрлалтай аварга том даатгалын компаниуд нь иргэний зорчигч болон ачаа тээврийн онгоц эзэмшигчдэд хандан өнөөдрөөс эхлэн Украйны агаарын орон зайд даатгал үйлчлүүлэхгүй болсон тухай мэдээлэл хүргүүлсэн байна. Энэ бол Украйны тэнгэрт нисэж яваад ямар нэг асуудал үүсвэл даатгуулагч нарт сохор зоос ч өгөхгүй гэдгээ анхааруулж байгаа хэрэг юм байна. Иргэний агаарын тээврийн онгоц заавал даатгалтай байж нисэх боломжтой учир ийнхүү нэгдүгээр сарын 14-өөс эхлэн Украйны агаарын орон зай нь иргэний зорчигч болон ачаа тэврийн онгоцнуудын хувьд хаагдаж байгаатай адил юм байна. Үүний эсрэг Украйны Засгийн газар яаж ч эсэргүүцээд, тушаал гаргаад нэмэргүй юм. 

 АНУ-ын Ерөнхийлөгч Байден нь Оросыг энэ сарын 16-нд Украйны руу дайрна гэж мэдэгдсэний дараа ийнхүү байдал улам л ноцтой болж хувирч байна. Одоо анхааруулга авсан учраас Украйнд байгаа бүх иргэний агаарын онгоцнууд өнөөдрийг дуусахаас өмнө өмнө орхин гарах гэж яарцгааж байгаа юм байна. 

 Оросын тал Украйны руу дайрах ямар ч төлөвлөгөө байгаагүй, байх ч үгүй гэж мэдэгдсээр атал АНУ, Их Британийн удирдлагууд нь таамгаа үнэмшилтэй болгохын тулд бүхэл Украйны агаарын орон зайг тун овжин аргаар хааж чадлаа. Эндээс Киев руу нисэхээ больсон компаниуд эсвэл эх орондоо очиж чадахгүй болсон украйнчуудын хэн нь хамгийн их хохирох нь одоохондоо ойлгомжгүй байгаа ч гарах бүх таагүй үр дагаварт нь Путиныгбуруутгах нь гарцаагүй юм.