Г.Занданшатар: Хөгжлийн банкны асуудлаар нээлттэй сонсгол хийнэ

Хөгжлийн банк тойрсон асуудлаар өнгөрсөн Баасан гаригт "Өөрөөр нь төлүүлье" хэлэлцүүлгийг зохион байгуулсан. Уг асуудлаар УИХ-ын дарга Г.Занданшатар Хөгжлийн банкыг шалгах ажлын хэсгийн гишүүд болон Сэтгүүлч Ч.Лодойсамбуу, Н.Өнөрцэцэг нартай  уулзаж байна. Хөгжлийн банк тойрсон асуудалтай холбоотой УИХ дээр нээлттэй сонсгол явуулахаар болжээ.

Сэтгүүлч Н.Өнөрцэцэг: Нээлттэй сонсгол явуулж болно. Гэхдээ энэ ажлын хэсгийн гишүүдэд итгэж болох уу. Хөгжлийн банкны асуудалд холбогдоогүй гишүүд гэдэгт яаж итгэх юм. Өглөө 10 цагт босоод ирж чадахгүй хүмүүстэй яаж хамтарч ажиллах вэ? Үүнээс гадна УИХ-ын дарга Г.Занданшатар та өөрөө өрөө төлсөн үү? Ийм асуудалд та өөрөө холбогдсон гэдэг мэдээлэл байна шүү дээ. 

УИХ-ын дарга Г.Занданшатар: Ажлын хэсэгт итгэж болно. Хөгжлийн банкны асуудалд шалгалт хийгээд энэ сарын 17-нд эхнийх нь гаргаад 21-нд эцсийн дүгнэлтээ гаргана. Сонсгол хийхийн тулд 14 хоногийн өмнө мэдэгдсэн байх ёстой. Ингээд гуравдугаар сарын эхээр сонсголоо хийнэ.