Дэлхийн зах зээл дээр газрын тосны үнэ тасралтгүй өсч байна

Олон улсын томоохон биржүүд дээр өнгөрсөн долоо хоногт баррель газрын тосны үнэ 82.99-91.7 ам.доллар ($)-ын хооронд хэлбэлзсэн байна.
Харин www.globalpetrolprices.com эх сурвалжийн мэдээгээр 2022 оны 2 дугаар сарын 06-ны өдрийн арилжаагаар “Брент” төрлийн газрын тосны хаалтын үнэ 93.90 ам.доллар/баррель, “WTI” төрлийнх 92.65 ам.доллар/баррель ханштайгаар хаагджээ.
Өнгөрсөн долоо хоногт “Брент” төрлийн газрын тосны үнэ 91.70 ам.доллар буюу 2014 оны 10 дугаар сараас хойших хамгийн дээд түвшинд, харин 2022 он гарснаас хойш 17 орчим хувиар өсcөн байна. Энэ нь Зүүн Европ, Ойрхи Дорнод дахь нийлүүлэлтийн хомсдол болон улс төрийн хурцадмал байдлаас шалтгаалж газрын тосны үнэ сүүлийн 6 долоо хоногийн турш дараалан өссөн шалтгаантай холбоотой байна.
Түүнчлэн дэлхийн хоёр дахь том газрын тос олборлогч ОХУ болон барууны орнууд Украины талаарх асуудлаар маргаантай байгаа бөгөөд Европт эрчим хүчний нийлүүлэлт тасалдана гэсэн болгоомжлолыг бий болгоод байгаа нь үнийн тогтворгүй байдлыг улам нэмэгдүүлсээр байна.
Morgan Stanley, JP Morgan зэрэг хэд хэдэн банк болон шинжээчид ОПЕК+-ийн эрэлт, нийлүүлэлтээс шалтгаалж газрын тосны үнэ цаашид 100 ам.доллар/баррель давна гэж таамаглаж байна.