​ Бээжингийн тоглолтын нэр хүндийг унагах компанит ажил эхлүүлжээ

АНУ болон түүний зарим холбоотнууд Бээжинд эхлэх гэж байгаа Олимпын тоглолтын нэр хүндийг унагах, гутаах кампанит ажил эхлүүлжээ. Энэ тухай Оросын Гадаад тагнуулын албаны захирал Сергей Нарышкинмэдэгдсэнийг ТАСС уламжилжээ.  Нарышкин мэдэгдэл хийхдээ “АНУ болон дуулгавартай холбоотнууд нь Бээжингийн Олимпын тоглолтын бэлтгэл ажлыг баллахаар хөндлөнгөөс оролцох өргөн хэмжээтэй кампанит ажил эхлүүлсэн тухай хангалттай их мэдээлэл олж авсан гэдгээ хэлье. Бид Бээжингийн Олимпын тоглолтын нэр хүндийг гутаах гэсэн тэдний оролдлогыг харж байна. Эдгээр үйлдэлд АНУ-ын Төрийн департамент гол үүрэг гүйцэтгэж байгаа бөгөөд удирдлагад нь байдаг ТББ, мэдээллийн хэрэгслүүдийн тарааж буй Олимпын агуулгатай Хятадын эсрэг бүх мэдээллийг удирдан зохион байгуулж байна” гэжээ.

 Гэхдээ Оросын Гадаад тагнуулын албаны дарга нь АНУ ба холбоотнуудын зүгээс явуулж байгаа энэхүү мэдээллийн дайралтад гайхахгүй байгаагаа онцолжээ. Тэрээр “Энэ бүхнийг бид цоо шинэ зүйл гэж үзэхгүй байгаагаа хэлье. Сочийн 2014 оны Өвлийн Олимпын өмнө бидний үзэн ядагчид яг ийм янз бүрийн арга ашиглаж байсан юм” гэсэн байна.

 Жишээлбэл, 2014 оны хоёрдугаар сарын 8-нд АНУ-ын Төрийн департамент Олимпын тоглолт үзэхээр Сочидирсэн иргэддээ хандан интернэт, гар утас ашиглахдаа онцгой болгоомжтой байхыг уриалсныг Германы DW агентлаг уншигчдадаа уламжлан анхааруулж байж. Учир нь, Оросын тусга албад утасны яриаг чагнаж, кибердайралт хийх аюултай. Оросын харилцаа холбооны хэрэгслийн ашиглан хувийн нууцтай холбоотой мэдээлэл солилцвол түүнээ нууц хэвээр нь хадгална гэж найдалтгүй болохыг анхааруулж байжээ.

 Тэгвэл 2022 оны нэгдүгээр сарын 21-д Германы DW агентлаг нь Бээжингийн Олимп үзэхээр очсон хүмүүс зохион байгуулагчдын санал болгосон “My2022” апп-ыг ашиглахдаа анхаарал болгоомжтой байхыг уриалсан байна. Учир нь энэ аппликейшн нь хувийн мэдээллийн аюулгүй байдлыг зөрчин гэж DW агентлаг мэдээлжээ. Нэгэн судалгааны групп энэхүү апп-ыг судалж үзээд тамирчид, сэтгүүлчид, спортын ажилтнуудын гар утас хакеруудад олз болж болзошгүй, энэ аппликейшн хувийн мэдээллүүдийг алдагдах, гаднаас хяналтад өртөхөөс хангалттай хамгаалж чадахгүй гэж дүгнэснийг мэдээлжээ.Түүнчлэн өрнөдийн улс орон нь Хятад руу явахдаа нөүтбүүк, ухаалаг утас авч явахгүй байхыг хүртэл зөвлөж байгаа аж. Хятадын тагнуулын албад нууцаар тагнаж, кибер дайралт хийж магадгүй юм гэнэ.

 Өөрөөр хэлбэл дайсан улсуудад болж байгаа Олимпын тоглолтын нэр хүндийг унагахдаа Өрнөдийн орнууд цоо арга, техник нэвтрүүлсэнгүй, цагийн шалгуурыг давсан“Хүний эрхийн ноцтой зөрчлөө, хэвлэлийн эрх чөлөөгхаалаа, тусгай албад кибер дайралт хийнэ, хакерууднууцыг чинь хулгайлна, авторитар дэглэмийг дэмжиж болохгүй”  гэх мэт хуучны найдвартай аргуудаа дахин давтан ашиглаж байгаа юм байна.