ТАНИЛЦ: ​Хөгжлийн банкнаас шүүхэд шилжүүлсэн 25 чанаргүй зээлдэгчийг зарлалаа

Монгол Улсын Хөгжлийн банкны гүйцэтгэх захирал Н.Мандуул шүүхийн шатанд шилжсэн 25 зээлдэгчийг өнөөдөр /2022.01.20/ олон нийтэд зарлалаа. 

Өнгөрсөн хугацаанд Хөгжлийн банкнаас санхүүжилт авч зээлийг зориулалт бусаар ашигласан, санаатайгаар зээл төлөхөөс зайлсхийсэн болон зах зээлийн нөхцөл байдлаас шалтгаалан эргэн төлөлтийг хийгээгүй, мөн гэрээний үүргээ биелүүлээгүй аж ахуйн нэгжүүдийн талаар авах шаардлагатай арга хэмжээг үе шаттайгаар хэрэгжүүлэн ажиллаж байгааг тэрбээр тодотгов.

Хөгжлийн банкны нийт зээлийн үлдэгдэл 3.20 их наяд төгрөг, зээлийн үлдэгдэлд байгуулсан зээлийн эрсдэлийн сангийн хэмжээ 0.65 их наяд төгрөгтэй тэнцэж байна.

 Монгол Улсын Хөгжлийн банкнаас банкны хэвийн үйл ажиллагаанд сөргөөр нөлөөлж, улмаар төр, нийтийн ашиг сонирхолд хохирол учруулж буй нэр бүхий 25 чанаргүй зээлийг шүүхээр шийдвэрлүүлэхээр нэхэмжлэл гаргасан бөгөөд мэдээллийг олон нийтэд ил тод, нээлттэй мэдээлж байна.

 Хөгжлийн банкнаас шүүхэд шилжүүлсэн 25 чанаргүй зээлдэгч

1. “Монгол драй милк” ХХК
2. “Монгема” ХХК
3. “Эрэл” ХХК
4. "Инжир" ХХК
5.  Чинис хаан'!A1
6. “Чингис хаан банк” ХХК
7. Төрийн орон сууцны корпораци” ТӨХХК,
8. ТОСК-“Хөдөлгөөнт цогцолбор” төсөл
9. “Монгол эм импекс концерн” ХХК,
10. “Монгол мах экспо” ХХК,
11. “Сонгоулд” ХХК
12. “Зэст-Өндөр” ХХК
13. “Кью Эс Си” ХХК
14. “Енсада истерн” ХХК
15. “Болор шүр” ХХК
16. “Эрд хул” ХХК
17. “Монлаа” ХХК
18. “Ган Хүдэр Орд” ХХК
19. “Дэд бүтэц инженеринг” ХХК
20. Бэрэн групп ХХК
21. Мондулаан трейд ХХК
22. Пирамид Орд ХХК
23. МБҮ трейд ХХК
24. Сэлэнгийн герефорд ХХК
25. Бармон ХХК