Алма-Атад үймээний үеэр 1,3 мянган галт зэвсэг алдагджээ

Казахстан ард иргэдийн бухимдлаар далимдуулсан эрх мэдлийн төлөөх үймээний хохирлын талаар мэдээлж байна.

Үймээн, эмх замбараагүй байдал хамгийн их газар авсан Алма-Ата хотын цагдаагийн газрын даргын мэдээлснээр үймээний үеэр зэвсэгт этгээдүүд хотын цагдаагийн газрын байрыг эзлэх 27 удаагийн дайралт хийжээ. Дайралтыг галт зэвсэг ашиглах ихээхэн дадалтай, хот газар байлдааны ажиллагаа явуулах туршлагатай хүмүүс удирдаж явуулсан гэж цагдаагийн дарга мэдээлсэн байн. Тэд өөрийн талын алагдсан, шархадсан хүмүүсээ үлдээлгүй авч явж байсан гэдгийг тэрээр онцолжээ. Тухайлбал, үймээний үеэр хотын цогцос хадгалах төвүүд рүү долоон удаагийн дайралт хийж, 41 цогцсыг авч явсан байна. Мөн гэмт этгээдүүд галт зэвсэг зардаг долоон дэлгүүрийг тонож, олон тооны буу, сум авч явжээ. Тодруулбал, 501 нэгж бянттай голтой буу, 807 нэгж гөлгөр голтой буу, 39 нэгж хийн буу алдагджээ.

Үймээний үеэр Алма-Атад энгийн номхон 149 иргэн, хууль сахиулах байгууллагын 11 ажилтан зэвсэгт этгээдүүдийн гарт амиа алдсан байна.