Хятад KFC-д бойкот зарлаж магадгүй

Хятадын хэрэглэгчийн холбоо “CCA” нь KFC сүлжээний эсрэг бойкот зарлаж магадгүй болжээ.  Учир нь KFCсүлжээнээс явуулж байгаа үйлчлүүлэгчдийг татах бодлого нь БНХАУ-ын Тэргүүлэгч Си Жинпиний зарласан хоолны хаягдлыг багасгах уриатай зөрчилдсөн байна.

 KFC нь Хятад үйл ажиллагаа явуулж эхлээд 35 жил болсныхоо ойг тэмдэглэх кампанит ажлын хүрээнд Хятадын тоглоом үйлдвэрлэгч “Pop Mart” компанитай хамтран хязгаарлагдмал тооны цуглуулгын тоглоомын хоолны багцын хамт зарах аян эхлүүлсэн байна. Гэхдээ хоолны багцтай ирж байгаа тоглоомыг blind box буюу доторх нь харагддаггүй хайрцагт хийж заржээ.

 Гэтэл үйлчлүүлэгчдийнх нь дунд энэхүү цуглуулгын тоглоом нь маш их эрэлттэй болсон байна. Улмаар хүмүүс тоглоомыг бүгдийг цуглуулахын тулд асар их багц хоол нэг дор аваад хоолыг нь хаяж, тоглоомыг нь үлдээх болсон байна. Тухайлбал, нэг үйлчлүүлэгч цуглуулгын бүх тоглоомыг нэгэн зэрэг олж авахын тулд нэг дор 10 мянга 494 юаниар  100 багц хоол худалдан авчээ. 

 Хятадын хэрэглэгчдийн холбоо нь энэхүү цуглуулгын тоглоом бүхий аяны улмаас KFC-ийн зарим үйлчлүүлэгч  хоолыг хэт ихээр худалдан авч хаяж байгаа нь нийгмийн эмх журам, ёс суртахуун ба хуульд нийцэхгүй байна гэж шүүмжилжээ. Улмаар хоолны хаягдлыг багасгаж нийгэмд зөв үлгэр дуурайлал өгөх үүднээс KFC сүлжээд бойкотзарлаж магадгүй болжээ.

 Хятадын засгийн газар Тэргүүлэгч Си Жинпинийсанаачилгаар 2020 онд хоол хүнсний хаягдлыг багасгах кампанит ажлыг эхлүүлсэн юм. Энэ кампанит ажлын хүрээнд сүлжээ зоогийн газруудад үйлчлүүлж байгаа хүмүүсийг нэг удаад идэж барахаас илүү хоол захиалахгүй байхыг уриалсан “Цэвэр таваг” аяныг эхлүүлээд байгаа юм.