Хүнд гахайн зүрх амжилттай шилжүүлэн суулгажээ

Америкийн эмч нар тусгайлан генийн өөрчлөлт оруулсан гахайн зүрхийг хүнд амжилттай шилжүүлэн суулгасан тухай “New York Times”  мэдээлсэн байна.

Тус сонины мэдээлж байгаагаар энэ бол гахай зүрхийг хүнд амжилттай суулгасан анхны тохиолдол болсон байна. Зүрх шилжүүлэн суулгах хагалгааг Балтимор хотын Мерилендийн их сургуулийн анагаахын төвд болсон бөгөөд найман цаг гаруй үргэлжилжээ.

Одоо эмч нар шилжүүлэн суулгасан эрхтнийг хүлээж авахгүй байж хариу урвал үүсэх эсэхийг ажиглаж байгаа юм байна. Хагалгаа хийлгэсэн 57 настай эмчлүүлэгч нь зүрхний эдгэршгүй өвчтэй байсан бөгөөд генийн хувиргалт бүхий гахайн зүрхийг шилжүүлэн суулгаснаар адил төстэй өвчин эмгэг бүхий хэдэн зуун мянган өвчтөнд итгэл найдвар төрүүлсэн үйл явдал болсныг “New York Times” онцолжээ.

Өөрөөр хэлбэл зүрхний донор гарахыг олон жилээр хүлээхийг оронд гений өөрчлөлт бүхий гахайн зүрхийг шилжүүлэн суулгах боломж гарч ирж байгаа юм.