ЭМЯ-аас шинээр бүртгэгдсэн халдварын тоонд залруулга хийлээ

ЭМЯ өнөөдрийн /2022.01.06/ 11:00 цагийн мэдээллээр сүүлийн 24 цагийн хугацаанд улсын хэмжээнд 570 иргэнээс коронавирусийн халдвар илэрсэн тухай мэдээлсэн. Гэвч уг мэдээлэл алдаатай хэмээн хэвлэлийнхэнд мэдээлж шинээр 795 тохиолдол бүртгэгдсэн тухай залрууллаа. 

Шинээр илэрсэн тохиолдлуудын 19 нь гаднаас зөөвөрлөгдсөн бол 776 нь дотоодын халдвар байна.

Харамсалтай нь сүүлийн хоногт хоёр иргэн коронавирусийн халдварын улмаас нас барсан юм. Талийгаачдын гэр бүл, төрөл төрөгсдөд гүн эмгэнэл илэрхийлье.