ЗУСЛАНГИЙН 410ГА ГАЗРЫГ ИРГЭДЭД ӨМЧЛҮҮЛЖЭЭ

Нийслэлийн газрын албанаас иргэдэд өрхийн хэрэглээний газар болон зуслангийн газруудыг өмчлүүлж байгаа. Газар өмчлөлийн ажлыг эрчимжүүлэх тухай нийслэлийн Засаг даргын А/624 тоот захирамжаар НИТХ-ын тэргүүлэгчдийн 2012 оны Зуслангийн ерөнхий төлөвлөгөө батлах тухай 25 дугаар тогтоолоор батлагдсан 26 байршилд Ерөнхий төлөвлөгөөний дагуу зуслангийн зориулалтаар эзэмшиж байгаа газрыг иргэдэд өмчлүүлэх бэлтгэл ажлыг хангаж, эхлүүлэхийг нийслэлийн Өмчийн харилцааны газарт даалгаж байсан цаг саяхан. Тэгвэл энэ үүргийнхээ дагуу 2003-2016 онд нийтдээ 187.560 иргэнд 9782га газрыг өмчлүүлж кадастрын зургийн нэгж талбарын газрыг мэдээллийн санд бүртгэсэн байна.

Хөдөө орон нутагт газар өмчлөх хүсэлтийн дагуу газар өмчлөөгүй гэсэн тодорхойлолтыг 339.177 иргэнд олгосон байна. Үүнээс харахад хотод биш хөдөө орон нутагт газар өмчлөх хүсэлтэй иргэд нэмэгджээ. Өнгөрсөн онд болон энэ жил Засаг даргын гурван удаагийн захирамжаар зуслангийн 410га газрыг өмчлүүлсэн байна. Цаашид нийслэл хотод үйл ажиллагаа явуулж байгаа иргэдийн газрыг өмчлөх бодлого баримталж ажиллахаар болжээ.