Байден дараагийн сонгуульд нэр дэвших нөхцөлөө дурджээ

АНУ-ын Ерөнхийлөгч Жо Байден нь “АВС” сувагт ярилцлага өгөх үеэрээ 2024 оны Ерөнхийлөгчийн сонгуульд оролцох гол нөхцөлөө заасан байна.

Байдены ярьснаар тэрээр амьдралыг нь нэг бус удаа өөрчилж ирсэн хувь тавилан гээч зүйлд их итгэдэг болохоор түүгээр болох юм байна. Түүнчлэн 2024 онд эрүүл мэнд нь одоо байгаа шиг сайн байвал Ерөнхийлөгчийн сонгуульд оролцоно гэдгийг онцолжээ.

Ярилцлага авч байсан сэтгүүлч нь сонгуулиар экс Ерөнхийлөгч Дональд Трамп дахин өрсөлдөхөөр болвол яах вэ? гэж асуухад Жо Байден хариуд нь тэгвэл дараагийн сонгуулиар өрсөлдөх магадлал нь л улам өснө гэж хариулсан байна.

Үүний өмнөхөн Байденыг дэд Ерөнхийлөгч Камал Харрисын хамт 2024 оны сонгуульд дахин өрсөлдөх гэж байгаа тухай Цагаан ордны хэвлэлийн төлөөлөгч Карин Жан-Пьер мэдэгдээд байсан юм. Дашрамд сонирхуулахад 2024 оны сонгуулиар Жон Байден 81 настай байх юм.