Аймгийн Засаг дарга нар өвдсөн нэгэндээ туслажээ

Булган аймгийн Засаг дарга Б.Ариун-Эрдэнэ саяхан БНСУ-д тамирчин ахуйдаа авсан гэмтэл нь сэдэрч биед нь нөлөөлж эхэлсэн тул яаралтай хагалгаанд орсон .Тэрээр хагалгаандаа амжилттай орж өчигдөрхөн эх орондоо буусан байна. Түүнийг эрүүл мэндийн шалтгаанаар гэнэт хагалгаанд орсоныг дуулсан хорин нэгэн Аймгийн Засаг дарга нар нэгдэн сэтгэлийн хандив өргөж 6 сая орчим төгрөг шилжүүлжээ . Тэрээр өөрийн цахим хуудсандаа : Засгийн газрын танхимд мөр зэрэгцэн ажиллаж байгаа Нийслэлийн болон 21 аймгийн Засаг дарга нар маань биеийн байдлыг минь асууж, сэтгэлийн хандив өргөжээ. Бид хэдий улс төрийн үзэл бодол ондоо ч улс, орныхоо хөгжлийн төлөө, мөн аюулт өвчнийг ялахын төлөө өөрсдийн амьдран буй газар  болгондоо хичээн ажиллаж байна. Цар тахлыг хамтдаа туулж, сайн цагийг хамтдаа угтая. Баярлалаа та бүхэндээ гэжээ. Үүнээс харахад Монголын 21 аймгийн болоод Нийслэлийн удирдлагууд хэдийгээр нам улстөрийн  үзэл баримтлал ондоо ч нэг ангийнхан гэдэг нь энэхүү мэдээллээс харагдаж байна. Өвчин зовлон хэнд ч тохиолдох энэ цаг мөчид Аймгийн Засаг дарга нар өвдсөн нэгэндээ ийнхүү дэм өгсөн нь хэр сэтгэл нэгтэйг харууллаа.